luns, 30 de marzo de 2015




Predición do 26 ó 28 de maio de 2017


Moi boas a tod@s!!!!!!

Comezamos esta semana con bastante bo tempo e cunha suba progresiva das temperaturas, acadándose valores moi altos na xornada de hoxe e onte. A partir de maña xa refresca e durante as vindeiras horas iran chegando as precipitacións e as tronadas, deixando unha xornada de venres de chuvascos e algún de certa intensidade e incluso puideran vir acompañados de granizo. O sábado parece que mellorara a situación aínda que non se descarta algún chuvasco pola tardiña e o domingo continuaremos con algo de inestabilidade e seguramente que con algún chuvasco.

O tempo volveu a mudar na xornada de hoxe e veremos como evoluciona e que nos depara durante estas xornadas. A inestabilidade estará presente e teremos os ingredientes necesarios para tormentas e incluso algunha importante, estas son moi complexas de predicir e localizar...algunha nos tocara.

Predición para os próximos días:

-Venres día 26; teremos unha xornada de bastante nubosidade e chuvascos, algún deles de certa intensidade e acompañado de tronadas e seguramente que algún deixe granizo, agardemos que sexan pouca cousa. As temperaturas descenderan tanto máximas como mínimas acadando valores mais habituais. Os ventos serán de compoñente variable frouxos.
 

 -Sábado día 27; será unha xornada mellor ca do venres a pesar de que durante a tardiña non se descarta algún chuvasco e os ceos permanecerán con bastante nubosidade. As temperaturas manteranse en valores semellantes a xornada anterior e os ventos serán de dirección variable frouxos.
 

-Domingo día 28; durante este día continuaremos con inestabilidade, traducida en nubes e aumento da nubosidade durante a tarde coa posibilidade de chuvascos e tronadas. As temperaturas continuaran en valores moi semellantes e os ventos continuaran frouxos de dirección variable.
 
¡¡¡MOI BOA FIN DE SEMANA A TODS!!!


Ningún comentario:

Publicar un comentario

Nota: só un membro deste blog pode publicar comentarios.